ააიპ–ი შექმნეს, თუმცა მისი ფუნქციონირებისთვის თანხის ოდენობა ჯერ ვერ განსაზღვრეს

სამცხე-ჯავახეთის მუნიციპალიტეტების პირველ პირებს პროექტი საქართველოს ტურიზმის ეროვნული ადმინისტრაციის საერთაშორისო ურთიერთობების სამმართველოს უფროსმა თორნიკე ზირაქიშვილმა წარუდგინა. იგი რეგიონის პირველ პირებს ააიპ–ის დანიშნულებისა და მისი შექმნის მიზნების შესახებ ესაუბრა. ასევე, ბოლო პერიოდში ტურიზმის სფეროში განხორციელებული პროექტები წარუდგინა.

რეგიონული ააიპ-ის ფუნქციონირებისთვის თანხა ექვსივე მუნიციპალიტეტების ბიუჯეტიდან გამოიყოფა. თუმცა, ამ დროისთვის ააიპ–ის ფუნქციონირებისთვის გამოყოფილი თანხის ოდენობა განსაზღვრული არაა.

სამცხე-ჯავახეთის სამხარეო ადმინისტრაციის მუნიციპალიტეტბთან ურთიერთობის სამსახურის ხელმძღვანელის ეკა ორჯონიკიძის განმარტებით ააიპ-ის შექმნის საწყისმა თანხამ 70 000 ლარი უნდა შეადგინოს. თუმცა, როგორც დღევანდელ შეხვედრაზე გაირკვა, ამ დრომდე მუნიციპალიტეტებიდან გასაწერი თანხების ოდენობა დაზუსტებული არაა.



„ორგანიზაციამ უნდა დაიწყოს მუშაობა, თანამშრომელბი დატრენინგდნენ, თანხის გამოყოფა კი ეტაპობრივად შეიძლება. თანხა, რომ იქნება საჭირო, ჩვენ შევიტანთ ცვლილებასბიუჯეტში და ააიპ–ის დავაფინანსებთ. ასე, რომ მთავარია ორგანიზაცია მუშაობას შეუდგეს, თორემ ფული რომ მივცეთ და ვერ დახარჯონ, ეგრე არ გვინდა“, – განაცხდა შეხვედრაზე ახალციხის მერმა ზაზა მელიქიძემ.

მის პოზიციას იზიარებს სამცხე–ჯავახეთში მხარის რწმუნებული ბესიკ ამირანაშვილი: „თავიდან ორგანიზაციამ მიზერული ბიუჯეტით უნდა დაიწყოს საქმიანობა, რომ მუნიციპალიტეტები დააჯერონ იმაში, რომ ის ქმედითი იქნება“.

„მიზერული ბიუჯეტით ვერ შეძლებს ეს ააიპ–ი ნაკისრი ვალდებულებების შესრულებას და თუ ასე მოხდება, მაშინ ცუდი მაგალითი შეიქმნება და მიზნების განხორციელება ხუთი წლით გადაიდება“, – განაცხადა შეხვედრის დასრულებამდე თორნიკე ზირაქიშვილმა, თუმცა რა ოდენობის თანხა სჭირდება ააიპ–ის მუშაობის დასაწყებად ეს არც შეხვედრაზე დააზუსტა და არც მოგვიანებით, ამავე საკითხზე „სამხრეთის კარიბჭეს“ შეკითხვას უპასუხა.



შეგახსენებთ, რომ DMO საქათველოს ტურიზმის ეროვნული ადმინისტრაციისა და USAID/Zrda-ს ინიციატივით, რეგიონული ააიპ-ი იქმნება. შექმნილი ორგანიზაცია კი ტურისზმის განვითარებისთვის და მისი პოპულარიზაციისათვის იმუშავებს.

[თორნიკე ზაზაძე – ახალციხე]