რეგფონდიდან ბორჯომი 4 479 999 ლარს მიიღებს

რეგიონებში განსახორციელებელი პროექტების ფონდიდან მიმდინარე წელს ბორჯომისთვის გამოყოფილ 4 479 999 ლარს ადგილობრივი ბიუჯეტიდან 1 192 501 ლარი დაემატება. ჯამში 5 962 500 ლარით შემდეგი პროექტები განხორციელდება:

1. კოსტავას ქუჩიდან 9 აპრილის ქუჩაზე მდინარე ბორჯომულაზე გადასასვლელი სამანქანო არსებული ხიდის ნაცვლად ახალი აშენდება.

2. ბორჯომი-ახალქალაქის საზღვრიდან სოფლების ჭიხარულასა და ბალანთის გავლით ასფალტობეტონის საფარის მოწყობა;

3. წაღვერის ჩიხების რეაბილიტაცია: თავისუფლების, თორელის, ფიროსმანის, აღმაშენებლის და კალანდაძის ქუჩებზე.

4. რველში ე.წ. კოშკის უბნის და ბორჯომში ვაშლოვანის ქუჩის რეაბილიტაცია;

5. დვირში ე.წ. ბიბილურებისა და კევლიშვილების უბნის, ასევე, საკირეში და ტაძრისში ჩიხების რეაბილიტაცია. ამავე პროექტშია გაერთაინებული ტაძრისი-დგვარის დამაკავშირებელი მილხიდის რეაბილიტაცია;

6. სადგეში, ტბასა და ტიმოთის უბანში ჩიხების რეაბილიტაცია;

7. წაღვერის კულტურის სახლის რეაბილიტაცია.

პროექტებზე ტენდერები ჯერ არ გამოცხადებულა.

[მარიამ ბარძიმაძე, ბორჯომი]