ახალციხეში დეცენტრალიზაციის პროექტის საჯარო განხილვა გაიმართება

შეხვედრა ახლციხეში, შალვა ახალციხელის N2-ში, საკრებულოს საკონფერენციო დარბაზში, 12:00 საათზე დაიწყება.

დეცენტრალიზაციის პროექტის საჯარო განხილვებში აქტიურად არიან ჩართული კოალიციის „ადგილობრივი თვითმმართველობისა და დემოკრატიისათვის“ წევრი არასამთავრობო ორგანიზაციები, რომლებმაც ფისკალური და ქონებრივი დეცენტრალიზაციის შესახებ საკუთარი წინადადებები მთავრობას უკვე წარუდგინეს, ხვალ კი ადგილობრივი თვითმმართველობების წარმომადგენლებს გააცნობენ.

პროექტის განხივლას ასევე დაესწრებიან სამცხე–ჯავახეთის სამხარეო ადმინისტრაციის და ადგილობრივი თვითმმართველობის წარმომადგენლები.

დეცენტრალიზაციის საშუალოვადიანი სტრატეგიის (2019-2025) პროექტი საქართველოს რეგიონული განვითარებისა და ინფრასტრუქტურის სამინისტრომ მოამზადა და მასში, ძირითადად, სამი მიმართულებაა გაწერილი – ადგილობრივი თვითმმართველობის უფლებამოსილებების გაზრდა, ფინანსური დეცენტრალიზაცია და ადგილობრივი თვითმმართველობის განხორციელებაში მოქალაქეთა მონაწილეობის უზრუნველყოფის მექანიზმების სრულყოფა.

[sknews.ge]