ახალციხეში სოფელ წინუბნამდე მისასვლელ გზას მოაასფალტებენ

ახალციხიდან წინუბანი–გურკელამდე მიმასვლელი სამკილომეტრიანი გზის სარეაბილიტაციო სამუშაოებზე ტენდერი 896 988 ლარზეა გამოცხადებული. აღნიშნული თანხის 95% რეგიონული განვითარების ფონდიდან, 5% კი ადგილობრივი თვითმმართველობის ბიუჯეტიდანაა გამოყოფილი.

ტენდერში მონაწილეობის მსურველებისთვის წინადადებების მიღება ექვს თებერვალს დაიწყება და 11 თებერვალს დასრულდება. გზის სარეაბილიტაციო სამუშაოები, ხელშეკრულების გაფორმებიდან 20 კვირის ვადაში დამთავრდება.

გზის საფარის დაგების პარალელურად, მოეწყობა სანიაღვრე სისტემაც.

სოფელ წინუბანში ადგილობრივები საპროტესტო აქციაზე სოფლამდე მისასვლელი გზის, ასევე, სასმელი წყლის სისტემის მოწესრიგებას 2018 წლის ივლისში ითხოვდნენ.

[თორნიკე ზაზაძე, ახალციხე]