წინუბანში გზის მოასფალტება იწყება

სარეაბილიტაციო სამუშაოები ადგილობრივი ბიუჯეტიდან ფინანსდება. ახალციხის მუნიციპალიტეტის გამგეობამ ტენდერი 3 აგვისტოს გამოაცხადა. წინადადებების მიღება 19–დან 24 აგვისტომდე იქნება შესაძლებელი.

შეგახსენებთ, რომ წინუბანსა და გურკელში მცხოვრები მოსახლეობა გზის მოასფალტებას წლებია ითხოვს. მათი განმარტებით, სოფლამდე მისავლელი გზის აღნიშნულ მონაკვეთზე გადაადგილება განსაკუთრებით ზამთრის პერიოდშია რთული.

650–მეტრიანი მონაკვეთის საპროექტო სამუშაოები შპს „ვ.ჩ და კომპანიამ“ 2.799 ლარით შეასრულა.

როგორც სატენდერო დოკუმენტაციაშია მითითებული, აგარა–წინუბანი–გურკელის 3 კილომეტრიანი გზის, 650 მეტრიან მონაკვეთს ცენტრალური მაგისტრალიდან ე.წ აგარის სასაფლაოებამდე მოაასფალტებენ.

გამგებლის ზაზა მელიქიძის განმარტებით, გზის დარჩენილი ნაწილის მოასფალტება ეტაპობრივად მომავალი წლის ბიუეჯტში გაიწერება.

[თინათინ ზაზაძე, ახალციხე]