ახალციხეში გაჩერებაზე მდგომ 19 წლის ბიჭს მანქანა დაეჯახა

შემთხვევა, დღეს, 4 ივლისს, დაახლოებით 18:15 საათზე მოხდა. „ჰონდას“ მარკის ავტომობილის მძღოლმა საჭე ვერ დაიმორჩილა, გზის სავალი ნაწილიდან გადავიდა, გაჩერებაზე შევარდა და იქ მდგომ ქვეითს დაეჯახა.

დაშავებული სასწრაფო სამედიცინო დახმარების ჯგუფმა კლინიკა „იმედში“ შეიყვანა.

„მსუბუქი დაზიანებები ჰქონდა თეძოსა და ცალ ხელზე იდაყვის არეში, დავუმუშავეთ და სახლში გავუშვით“, – გვითხრეს საავადმყოფოში.

მომხდარზე ძიება სისხლის სამართლის კოდექსის 276–ე მუხლის პირველი ნაწილით მიმდინარეობს, რაც ავტოსაგზაო მოძრაობის წესების დარღვევას გულისხმობს.

[sknews.ge]