ახალციხეში ტრაილერი მსუბუქ მანქანას დაეჯახა

შემთხვევა დღეს, ცხრა ოქტომბერს დაახლოებით, 09:00 საათზე მოხდა. თვითმხილველების თქმით, „მერსედესს“ სატვირთო მანქანა შეეჯახა.

„აფთიაქის მიმდებარედ იყო გაჩერებული „მერსედესი“, ტრაილერმა გამოიარა, მარცხენა მხარე მოსდო და გაახოხა“, - ამბობენ თვითმხილველები.

„მერსედესის“ მარკის ავტომანქანას მარცხენა მხარე აქვს დაზიანებული. შემთხვევის შედაგად არავინ დაშავებულა.

ავარიის გამო ქალაქში საცობი შეიქმნა. რამდენიმე წუთის განმავლობაში ავტომანქანებს თავისუფლად გადაადგილება არ შეეძლოთ.

შსს-ში აცხადებენ, რომ დაჯარიმებულია ტრაილერის მძღოლი: "ადმინისტრაციული წესით მოხდა დაჯარიმება. ტრაილერის მძღოლი დაჯარიმდა, იმიტომ, რომ მისი ბრალი იყო".





[თაკო ფეიქრიშვილი, ახალციხე]