მიდიან თუ არა სამცხე–ჯავახეთიდან ენმ–ს წევრები ორი დეკემბერის აქციაზე

ოპოზიციის მიერ დაანონსებული აქცია კვირას, ორ დეკემბერს, თბილისში გაიმართება.

ახალქალაქში „ერთიანი ნაციონალური მოძრაობის“ შტაბის ხელმძღვანელი აშოტ რაისიანი ამბობს, რომ აქციაზე თბილისში ნინოწმინდისა და ახალქალაქის ამომრჩველთან ერთად წავა: "ახალქალაქიდან 4 000–მდე ამომრჩვენელი წამოვა, ასევე, ნინოწმინდიდანაც იქნებიან ჩვენი მხარდამჭერები. მივდივართ, რომ საბოლოოდ გავიმაჯრვოთ“.

ცენტრალური შტაბიდან დავალება არ მიუღია, თუმცა აქციაზე წასვლას გეგმავს ახალციხეში ენმ–ს შტაბის ხელმძღვანელი დავით ბალიაშვილი: „ვინც კი გვყვას მომხრე ყველა წამოვა“, – ამბობს იგი.

ვაშაძის დაანონსებულ მანიფესტაციას უერთდება ბორჯომში ენმ–ს შტაბის ხელმძღვანელი ბაკურ გელაშვილიც: „მივდივარ ჩემი სურვილი, თუმცა რამდენი ადამიანის მობილიზებას შევძლებთ, ეს ჯერ არ ვიცი“.

რაც შეეხება ასპინძისა და ადგინენის შტაბებს, მათი ხელმძღვანელები აცხადებენ, რომ ჯერ არ იციან აქციაზე წავლენ თუ არა.

„გაერთიანებული ოპოზიციის“ საპრეზიდენტო კანდიდატმა გრიგოლ ვაშაძემ 29 ნოემბერს მხარდამჭერებთან შეხვედრაზე განაცხადა, რომ არჩევნების შედეგებს არ აღიარებს და მშვიდობიანი მანიფესტაციების მოწყობას გეგმავს. იგი ვადამდელი საპარლამენტო არჩევნების ჩატარებას ითხოვს.

[მარიამ ბარძიმაძე, ახალციხე]