ახალქალაქში N46 ბეჟანოს საარჩევნო უბანზე პოლიცია გამოიძახეს

ორივე საჩივარი სოფელში მერის წარმომადგენლის მამას ბაბო იაილოიანს დაუწერა, რომელიც საარჩევნო ყუთთან ზის. როგორც მარიამ ხიჩაკიძე ამბობს, კაბინიდან გამოსული ამომრჩევლები იაილოიანს გაშლილ ბიულეტენს უჩვენებენ. ხაჩიკიძემ ერთი საჩივარი სწორედ ამის შესახებ დაწერა.

რაც შეეხება მეორე საჩივარს, ხაჩიკიძე წერს, რომ იაილოიანი კაბინიდან გამოსულ ამომრჩევლებს ბიულეტენებისთვის კონვერტებს თავად უხსნის და ყუთშიც თავად აგდებს.

"მას შემდეგ, რაც ეს საჩივრები დავწერე ყველამ დევნა და მობილური ტელეფონით გადაღება დამიწყო. იძულებული გავხდი პოლიციაში დამერეკა.

ადგილობრივი სამმართველოდან მოვიდნენ სამართალდამცველები და მითხრეს, რომ ვითარებას დაარეგულირებენ, ასევე მითხრეს, რა შენიშვნაც გაქვთ, ეს დაწერეთ კიდეც და უბანზე დააფიქსირეთო", – გვიყვება ხიჩაკიძე.

საუბნო კომისიის თავმჯდომარემ მეორე საჩივარი არ ჩაიბარა, მიუხედავად იმისა, რომ როგორც ხაჩიკიძე ამბობს, დარღვევის ფაქტი მას ტელეფონით აქვს გადაღებული.



[sknews.ge]