ახალციხეში ტოლერანტობის საერთაშორისო დღე აღნიშნეს[photo]

ტოლერანტობის საერთაშორისო დღისადმი მიძღვნილი ღონისძიება ახალციხის ციხეზე 14:00 საათზე დაიწყო. ახალციხელი ახალგაზრდები სტუმრების წინაშე სიმღერებითდა საცეკვაო ნომრებით წარსდგნენ.

ღონისძიებაზე მისულ საზოგადოებას საქართველოს სახელმწიფო მინისტრმა შერიგებისა და სამოქალაქო თანასწორობის საკითხებში, ქეთევან ციხელაშვილმა მიმართა და ტოლერანტობის მნიშვნელობაზე, ასევე ახალციხის, როგორც ეთნიკურად მრავალფეროვან ქალაქზე ისაუბრა.

ახალციხის ციხეზე შეკრებილებს სიტყვით მიმართეს მხარის გუბერნატორმა ბესიკ ამირანაშვილმა და ახალციხის მერმა ზაზა მელიქიძემ.

ანა ჩილინგაროვა ეთნიკურად სომეხია, სამუსიკო სკოლის მოსწავლემ ღონისძიებაზე ორი, ქართული და სომხური სიმღერა შეასრულა – „ბედნიერი ვარ ამ დღის გამო, ქართველები ტოლერანტული ხალხია და არასდროს მიგვრძნია ჩემი ეთნიკური წარმომავლობის გამო მათგან უსიამოვნება“.

ღონისძიება მოძრაობის თეატრის პერფორმანსით დასრულდა, სადაც ნაჩვენები იყო საქართველოს ეთნიკური და რელიგიური მრავალფეროვნება.

ტოლერანტობის კვირეული, რომელიც საქართველოს სხვადასხვა რეგიონში, მათ შორის თბილისში მთელი კვირის განმავლობაში მიმდინარეობდა. ღონისძიება შერიგებისა და სამოქალაქო თანასწორობის საკითხებში სახელმწიფო მინისტრის აპარატისა და სამხარეო ადმინისტრაციის ორგანიზებით გაიმართა.







[ავთო ინასარიძე, ახალციხე]