საერთაშორისო დამკვირვებლები წინასწარ მოხსენებას დღეს წარმოადგენენ

საქართველოში მყოფი საერთაშორისო დამკვირვებლები პრესკონფერენციას დღეს, 29 ოქტომბერს სასტუმრო Radisson Blu Iveria-ში გამართავენ.

როგორც ორგანიზატორები ამბობენ, აღნიშნული სადამკვირვებლო მისია ეუთოს (OSCE) დემოკრატიული ინსტიტუტებისა და ადამიანის უფლებების ოფისის (ODIHR), ეუთოს საპარლამენტო ასამბლეის (OSCE PACE), ევროპის საბჭოს საპარლამენტო ასამბლეის (PACE), ნატოს საპარლამენტო ასამბლეის (NATO PA) და ევროპარლამენტის (EP) ერთობლივ ძალისხმევას წარმოადგენს.

„მოხსენებას წარმოდგენენ კრისტიან ვიგენინი, ეუთოს (OSCE) მოკლევადიანი სადამკვირვებლო მისიის სპეციალური კოორდინატორი და ხელმძღვანელი; ანდრეი ჰუნკო, ევროპის საბჭოს საპარლამენტო ასამბლეის (PACE) დელეგაციის ხელმძღვანელი, მარგარეტა სედერფელტი, ეუთოს საპარლამენტო ასამბლეის (OSCE PA) დელეგაციის ხელმძღვანელი, რასა იუკნევიჩიენე, ნატოს საპარლამენტო ასამბლეის დელეგაციის (NATO PA) ხელძღვანელი, ლაიმა ლიუსია ანდრიკიენე, ევროპარლამენტის საპარლამენტო ასამბლეის (EP) დელეგაციის ხელმძღვანელი და ელჩი, გერტ-ჰინრიჰ არენსი, დემოკრატიული ინსტიტუტებისა და ადამიანის უფლებების ოფისის (ODIHR) სადამკვირვებლო მისიის ხელმძღვანელი. საერთაშორისო საარჩევნო სადამკვირვებლო მისია 40 სხვადასხვა ქვეყნიდან ჩამოსული 400 დამკვირვებლისგან შედგება. მათ შორის არიან დემოკრატიული ინსტიტუტებისა და ადამიანის უფლებების ოფისის (ODIHR) მიერ წარგზავნილი 284 გრძელვადიანი და მოკლევადიანი დამკვირვებლი, 54 პარლამენტარისა და ეუთოს საპარლამენტო ასამბლეის წარმომადგენლები (31 ევროპის საბჭოს საპარლამენტო ასამბლეიდან, 17 ნატოს საპარლამენტო ასამბლეიდან და 12 ევროპარლამენტის ასამბლეიდან)“, – აცხადებენ ღონისძიების ორგანიზატორები.

[sknews.ge]