დაპირისპირება პარლამენტთან – ზაზა სარალიძე შეუძლოდ გახდა

დაპირისპირება რუსთავველის გამზირზე მას შემდეგ დაიწყო, რაც სარალიძესთან სოლიდარობის ნიშნად მისულმა არასამთავრობო როგანიზაციების წარმომადგენლებმა კარვების გაშლა სცადეს.

“კარვებით ვიცავთ თავისუფლებას!” – ამ სახელწოდებით აქცია პარლამენტის წინ გუშინ დაიგეგმა. არასამთავრობო ორგანიზაციებმა მოქალაქეებს მოუწოდეს, დღეს, 20:00-ზე პარლამენტთან შეკრებილიყვნენ. აქციაზე აპროტესტებენ როგორც სარალიძე/მაჩალიკაშვილისთვის კარვის გაშლაში ხელშეშლას, ისე მერიის მოთხოვნას მათდამი, შეცვალონ აქციის ჩატარების ადგილი შვიდ დეკემბრამდე, ნაძვის ხის დადგმის საჭიროების გამო.

აქციის ორგანიზატორთა შორის არიან არასამთავრობო ორგანიზაციები: “საფარი”, “სამართლიანი არჩევნები”, “საია”, “კონსტიტუციის 42-ე მუხლი”, საქართაშორისო გამჭვირვალობა – საქართველო” და “საქართველოს დემოკრატიული ინიციატივა".

შეხლა–შემოხლისა და დაპირისპირების შემდეგ პარლამენტთან მიმდინარე საპროტესტო აქციაზე ხორავას ქუჩაზე მოკლული დავით სარალიძის მამა, ზაზა სარალიძე და მისი დედა, მარინა ბეგაძე შეუძლოდ გახდნენ. ისინი სასწრაფო დახმარების ეკიპაჟმა, დაახლოებით, 15 წუთიანი ინტერვალით, ინგოროყვას სახელობის კლინიკაში გადაიყვანა.

პოლიციის წინააღმდეგობის მიუხედავად, რუსტაველის გამზირზე, პარლამენტის წინ სარალიძე/მაჩალიკაშვილის მხარდამჭერი აქციის ორგანიზატორებმა კარვები მაინც გაშალეს. ამ დროისათვის ადგილზე 10-მდე ასეთი კონსტრუქციაა განთავსებული.

აქციის ორგანიზატორები, არასამთავრობო ორგანიზაციების წარმომადგენლები აცხადებენ, რომ ღამით არსად წავლენ და კარვებში დარჩებიან, რათა დაიცვან თავიანთი კონსტიტუციური უფლება და მშვიდობიანად გამოხატონ პროტესტი.

[sknews.ge]