ახალციხის ციხეზე რძის ფესტივალი ‘იდეების გამოფენა’ გაიმართა

სოფიო ზაზაშვილი ასოციაცია „ერთობის“ ფერმერია. მან ფესტივალზე სოფელ უდეში დამზადებული ყველი წარმოადგინა: „ჩემი ყველი ბუნებრივ მაჭიკზეა დამზადებული და არ არის დამარილებული. ასევე, 15–დღიანი დაძველებითაა. თითქმის 10 წელია ყველს ვამზადებ და ბოლო ორი წელია რაც განსხვავებული ყველის დამზადებაც დავიწყე“.

ფესტივალზე რძის პროდუქტებთან ერთად წარმოდგენილი იყო ხელოვნური განაყოფიერების შედეგად მიღებული პირუტყვი. ფერემერებს ახალციხის ციხეზე შეეძლოთ ენახათ ტარანტეზის, ამბონდანსისა და მონბელიარდის ახალი ჯიშები.

გამოფენაზე წარმატებული ფერმერები სიგელებით დააჯილდოვეს.

ფერმერ ვაჟა ძირკვაძეს წლის ინოვატორის წოდება მიენიჭეს: „ჰოლშტეინის ჯიშის საქონელი მყავს, გავაკეთე მონბელიარდის განაყოფიერება და მივიღე საქონელი, რომელიც 15 თვეში 430 კილოგრამს იწონის. ჩემს მიერ გამოყვანილი ჯიშის პირუტყვი სრულ ასაკში 900 კილოგრამს მიაღწევს“.

ფესტივალში ფერმერები ახალციხიდან, ასპინძიდან და ადიგენიდან მონაწილეობდნენ.











[ავთო ინასარიძე, ახალციხე]