რას ნახავთ 'შემოდგომის ფესტივალზე'

"შემოდგომის ფესტივალი" 20 ოქტომბერს, შაბათს, ახალციხის ციხეზე გაიმართება. მის ფარგლებში სპორტული ღონისძიებები, ხალხური რეწვის ოსტატთა ნამუშევრების გამოფენა, ადგილობრივი ანსამბლებისა და მოწვეული მომღერლების კონცერტი გაიმართება.

ღონისძიებების განრიგი ასეთია:

12:00-17:00 საათზე: სასოფლო-სამეურნეო პროდუქტების გამოფენა-გაყიდვა;
12:00-17:00 საათზე: ხალხური რეწვის ნიმუშების გამოფენა-გაყიდვა;
12:00-17:00 საათზე: მხატვრების ნამუშევრების გამოფენა-გაყიდვა;
12:00-13:30 საათზე: შეჯიბრი ჭიდაობაში;
12:00-13:30 საათზე: შეჯიბრი მკლავჭიდში;
12:00-13:30 საათზე: საჩვენებელი გამოსვლები: კარატე, ძალისმიერი სამჭიდი;
13:30-14:00 საათზე: სპორტულ შეჯიბრებებში გამარჯვებულთა დაჯილდოება;
14:00-15:00 საათზე: ადგილობრივი ანსამბლებისა და ინდივიდუალური შემსრულებლების კონცერტი;
15:00-17:00 საათზე: კონცერტი: ანსამბლი "ივერია"- თეიმურაზ წიკლაური, მანანა თოდაძე, ნუგზარ კვაშალი, ვახტანგ ტატიშვილი, დათო აბულაძე, თემურ თათარაშვილი, გურამ ჯაში, ზურაბ კობეშავიძე.

ღონისძიების ორგანიზატორი ახალციხის მუნიციპალიტეტის მერიაა.

[მარიამ ბარძიმაძე, ახალციხე]