ნინოწმინდიდან მოპარული ძროხები მთებში იპოვნეს

როგორც შინაგან საქმეთა სამინისტროში "სამხრეთის კარიბჭეს" განუცხადეს, სამართალდამცველები ქურდობის კვალს გაყვნენ და მოპარული 16 ძროხიდან, დღეს, 6 ოქტომბერს 14 მათგანი იპოვნეს.

"ამ წუთებში, დარჩენილი ორ სულის საპოვნელად და დანაშაულის სავარაუდო ჩამდენების დასადგენად მიმდინარეობს ინტენსიური სამძებრო, ოპერატიული ღონისძიებები“, – აცხადებენ შსს–ს საზოგადოებასთან ურთიერთობის სამსახურში.

უწყების ინფორმაციით, სავარაუდოდ, დარჩენილი ორი სულიც მთებში უნდა იყოს.

შეგახსენებთ, რომ ნინოწმინდის სოფელ სამებაში ქურდობა 4 ოქტომბერს, ღამით მოხდა. ქურდებმა ადგილობრივი არსენ ტუმასიანის ბოსლიდან 16 სული ძროხა გაიყვანეს.

[თაკო ფეიქრიშვილი, ნინოწმინდა]