ე.წ. უდო-ს კომისია ვანო მერაბიშვილის ვადაზე ადრე გათავისუფლების საკითხზე იმსჯელებს

აღნიშნულ ონფორმაციას სააგენტო "ინტერპრესნიუსი" ავრცელებს.

ე.წ. უდო-ს კომისიამ ვანო მერაბიშვილის საქმე რამდენჯერმე განიხილა, თუმცა აქამდე მას გათავისუფლებაზე ყველა ჯერზე უარი ეთქვა.

სპეციალური პენიტენციური სამსახურის იურიდიული დეპარტამენტის უფროსის მოვალეობის შემსრულებლის თენგო შაქარაშვილის განმარტებით, თავად მსჯავრდებულს ან მის ადვოკატსაც აქვს უფლება კომისიას მიაწოდოს ისეთი დოკუმენტაცია, რომელიც კომისიას გადაწყვეტილების მიღებაში დაეხმარება.

"მერაბიშვილის შუამდგომლობის განხილვა ისევ მოხდება, მას შემდეგ რაც უარის თქმიდან გავა 6 თვე. დაწესებულება ვალდებულია შუამდგომლობა ხელახლა გადმოაგზავნოს ავტომატურად და მოწოდებული ინფორმაციის თაობაზე ადგილობრივი საბჭო იმსჯელებს. დაწესებულების გარდა, თავად მსჯავრდებულსაც და მის ადვოკატსაც შეუძლია წარმოადგინოს ნებისმიერი დოკუმენტი, რასაც თვითონ ჩათვლიან მიზანშეწონილად, რომ ეს დაეხმარება საბჭოს გადაწყვეტილების მიღებაში და ასეთი დოკუმენტების წარმოდგენის შემთხვევაშიც აუცილებლად გაეცნობა საბჭო ამას", - განაცხადა შაქარაშვილმა.

შეგახსენებთ, რომ რამდენიმე დღის წინ პენიტენციურმა სამსახურმა ვანო მერაბიშვილის დიაგნოზი გაასაჯაროვა.ჩატარებული გამოკვლევების შედეგად, მსჯავრდებულს დაუდგინდა დიაგნოზი: ვაზომოტორული რინიტი; ჰორნერის სინდრომი (მარჯვნივ), ბლეფარო–კონიუნქტივიტი.

[sknews.ge]