პრეზიდენტმა 111 მსჯავრდებული შეიწყალა

სასჯელაღსრულების დაწესებულებას 42 მსჯავრდებული, მათ შორის, 3 ქალი და 1 არასწრულწლოვანი დატოვებს. რაც შეეხება შეწყალებულ 69 პირს, მათ შორის 4 ქალსა და 6 არასრულწლოვანს სასჯელი შეუმცირდება.

პრეზიდენტთან არსებულ შეწყალების კომისიას ყოფილი პრემიერის, ვანო მერაბიშვილის საქმე არ განუხილავს. როგორც შეწყალების კომისიის თავმჯდომარე ზვიად ქორიძე ამბობს, მერაბიშვილს კომისიისთვის არც მიუმართავს.

შეგახსენებთ, რომ ვანო მერაბიშვილს 2017 წლის დეკემბერში უარი უთხრა აღმოსავლეთ საქართველოს მეორე ადგილობრივმა საბჭომ (ე.წ. უდოს კომისიამ), რომელიც მსჯავრდებულის პირობით ვადაზე ადრე გათავისუფლების საკითხს წყვეტს.

მიმდინარე წლის აგვისტოდან ვანო მერაბიშვილს ჯანმრთელობის მდგომარეობის გაურესების გამო კლინიკაში გადაყვანა არაერთხელ დასჭირდა. ამის შესახებ ინფორმაცია ბოლოს, გუშინ, 27 სექტემბერს გავრცელდა. სამი დღით ადრე კი მაღალი საზოგადოებრივი ინტერესიდან გამომდინარე მერაბიშვილის ჯანმრთელობის მდგომარეობის შესახებ პენიტენციურმა სამსახურმა განცხადება გაავრცელა: „ჩატარებული გამოკვლევების შედეგად, მსჯავრდებულს დაუდგინდა დიაგნოზი: ვაზომოტორული რინიტი; ჰორნერის სინდრომი (მარჯვნივ), ბლეფარო–კონიუნქტივიტი“.

[sknews.ge]