ადგილობრივები: კულიკამში ნოდულარული დერმატიტით საქონელი იხოცება

კულიკამის მცხოვრებლები jnews.ge–სთან აცხადებენ, რომ ადგილობრივები მკვდარ საქონელს ღამით ჩუმად მარხავენ და ამას იმიტომ აკეთებენ, რომ ცოცხალი საქონელი დაკლან და გაყიდონ.

„არ ვიცი თქვენ რა ინფორმაცია გაქვთ კულიკამზე, მაგრამ დაავადების მხრივ სამცხე–ჯავახეთი სტაბილურია და საქონელი დაცემული არ არის. სამცხე–ჯავახეთში ნოდულარული დერმატიტის საწინააღმდეგო ვაქცინა ამ დრომდე მიმდინარეობს და დაცემული პირუტყვი არ ფიქსირდება“, – განუცხადეს „სამხრეთის კარიბჭეს“ სურსათის უვნებლობის ეროვნულ სააგენტოში.

შეგახსენებთ, რომ ნოდულარულ დერმატიტზე აცრები მთელი საქართველოს მასშტაბით მიმდინარეობს. ვაქცინაციისას გამოიყენება ცხოველთა ჯანდაცვის მსოფლიო ორგანიზაციის (OIE) მიერ რეკომენდირებული შტამისგან დამზადებული ვაქცინა.

დაავადების შემთხვევები, სამცხე–ჯავახეთში ახალციხის, ასპინძისა და ნინოწმინდისა და ახალქალაქის მუნიციპალიტეტებში გამოვლინდა.

[sknews.ge]