ახალციხეში პური გაძვირდა

ახალციხეში დიდიმამიშვილის ქუჩაზე არსებული ფურნის დირექტორი იური მელიქიძე ამბობს, რომ აქამდე პურს 55 თეთრად ყიდდა, ახლა კი მისი ფასი 65 თეთრია: „ხორბალი გაძვირდა, ამიტომ ფქვილზე ფასმაც 10–11 ლარით მოიმატა, 37 ლარი ღირდა და ახლა 48 ლარად ვყიდულობთ“.

ისევე როგორც მელიქიძე, რუსთაველის ქუჩაზე მდებარე ფურნის მფლობელი დავით ბალიაშვილიც ამბობეს, რომ პურზე ფასის ზრდა ხორბლის იმპორტზეა დამოკიდებული: „პური რომ არ გამეძვირებინა, მაშინ ფურნე უნდა დამეხურა. 50 თეთრად ვყიდდი და ახლა 60 თეთრი ღირს. ფქვილი გაძვირდა და ყველგან პურის ფასმა ამიტომ მოიმატა“.

პურის ფასი ქალაქში მოქმედმა თითქმის ყველა ფურნემ გაზარდა. გამონაკლისი მხოლოდ რამდენიმე თონეა, თუმცა თონეებშიც ამბობენ, რომ პურის ფასს უახლოეს დღეებში აუცილბელად გაზრდიან.

[მარიამ ბარძიმაძე, ახალციხე]