სამცხე–ჯავახეთის ოლქებში საუბნო კომისიის წევრობის მსურველთა 999 განაცხადი შევიდა

საუბნო საარჩევნო კომისიებში წევრების შესარჩევი კონკურსი 29 აგვისტოს გამოცხად და ექვს სექტემბერს უნდა დასრულდეს.

3 სექტემბრის მონაცემებით განაცხადების რაოდენობა საარჩევნო ოლქების მიხედვით ასეთია:

ადიგენი – შესულია 92 განაცხადი (უნდა შეირჩეს 108 წევრი);

ნინოწმინდა – შესულია 248 განაცხადი (უნდა შეირჩეს 222 წევრი);

ახალქალაქი – შესულია 241 განაცხადი (უნდა შეირჩეს 420 წევრი);

ასპინძა – შესულია 50 განაცხადი (უნდა შეირჩეს 138 წევრი);

ბორჯომი – შესულია 207 განაცხადი (უნდა შეირჩეს 180 წევრი);

ახალციხე – შესულია 161 განაცხადი (უნდა შეირჩეს 210 წევრი);

საუბნო საარჩევნო კომისიის წევრთა არჩევის პროცესი შესაბამის საოლქო საარჩევნო კომისიებში 8-12 სექტემერს გაიმართება. ხოლო 13 სექტემბრიდან დაიწყება უფლებამოსილი 4 საპარლამენტო პარტიის მიერ საუბნო საარჩევნო კომისიის წევრების დანიშვნა. პარტიების მიერ დასანიშნ წევრთა რაოდენობა ყველა უბანზე იგივეა, ჯამში 21 822 დანიშნული წევრი.

საოლქო საარჩევნო კომისია, როგორც კოლეგიური ორგანო, საუბნო საარჩევნო კომისიის წევრებს ირჩევს სრული შემადგენლობის უმრავლესობით, არანაკლებ 7 ხმით, სახელობითი კენჭისყრის საფუძველზე.

[თინათინ ზაზაძე, ახალციხე]