ახალციხის ბაღებში ახალი სასწავლო წელი დაიწყო

ახალციხის მუნიციპალიტეტის ბაღების გაერთიანების ხელმძღვანელის მარინა მერაბიშვილის თქმით, დღეს ბაღებში 1 004 ბავშვი გამოცხადდა: „ზოგი დასასვენებლად ჰყავთ მშობლებს წაყვანილი და არ მოვიდა“.

მისივე თქმით, ამ დროისთვის ზუსტი ინფორმაცია, იმის შესახებ თუ რამდენი ახალი ბავშვი დარეგისტრირდა ბაღებში, არ აქვს: „ამ დღეებში როგორც კი ბავშვები სრულად მივლენ ბაღებში, მენეჯერები მათ სიას შეადგენენ და მოგვაწვდიან, შესაბამისად გვეცოდინება წელს რამდენი ახალი ბავშვი გვყავს“.

ახალციხის მუნიციპალიტეტში 25 საბავშვო ბაღიდან 17 სოფლებშია, ხოლო 8 ქალაქში. ზაფხულში არცერთ მათგანში სასწავლო პროცესი არ შეწყვეტილა, რადგან თემისა და ქალაქის გაერთიანების შემდეგ არდადეგები გაუქმდა. მანამდე კი არდადეგები მხოლოდ ქალაქის ბაღებს ჰქონდათ.

[ლუბა გიორგაძე, ახალციხე]