როდის დაიწყება ზამთრის არდადეგები ახალციხის საბავშვო ბაღებში

ახალციხის მუნიციპალიტეტის სკოლამდელი აღზრდის დაწესებულებათა გაერთიანების ინფორმაციით, სოფლების საბავშვო ბაღები დეკემბრის ბოლომდე იმუშავებს. ბაღებში არდადეგები მხოლოდ 1–დან 3 იანვრის ჩათვლით იქნება. სწავლა 4 იანვარს, ორშაბათს აღდგება.
დაწესებულებაში განმარტავენ, რომ ხანგრძლივი არდადეგები არც ზაფხულში ყოფილა და არც საახალწლოდ იქნება.

„ბაღებიც ჩვეულ რეჟიმში იმუშავებენ, როგორც სხვა საჯარო დაწესებულებები და მხოლოდ იმ დღეებში დაისვენებენ, რაც კალენდარული წესით არის გათვალისწინებული საჯარო დაწესებულებებისთვის“, – განმარტავენ ახალციხის მუნიციპალიტეტის გამგეობაში.

რაც შეეხება ქალაქ ახალციხის საბავშვო ბაღებს, რამდენი დღეს გასტანს ზამთრის არდადეგები ჯერ უცნობია.
როგორც ქალაქ ახალციხის მუნიციპალიტეტის სკოლამდელი აღზრდის დაწესებულებათა გაერთიანებაში განმარტავენ, ბაღებში საახალწლო ზეიმები უნდა ჩატარდეს, ამიტომ როდის დაიწყება არდადეგები ჯერ ვერ აკონკრეტებენ.

[sknews.ge]