ადიგენის საკრებულომ მოქალაქეების მკურნალობის დაფინანსებისთვის 15 000 ლარი გამოყო

„ავადმყოფებისა და მშობიარეების გამოკვლევებზე ბევრი მომართვა იყო, ამიტომ წლის დასაწყისში გათვალსიწინებული თანხა უკვე გაიხარჯა
და ცვლილებები გახდა საჭირო. სხვადასხვა მუხლებიდან მორჩენილი თანხები გადმოვიტანეთ ამ მუხლში, იყო ეკონომიებიც, საერთო ჯამში 15 000 ლარი გაიწერა“, – განმარტეს საკრებულოს აპარატში.

ადიგენის მუნიციპალიტეტის მერიამ სოციალური პროგრამებისთვის 2018 წლის დასაწყისში 242 800 ლარი გაითვალიწინა. როგორც თვითმმართველობაში აცხადებენ, ამ თანხას რვა თვის განმავლობაში ბიუჯეტში შესული ცვლილებების შედეგად ჯამში 10 750 ლარი დაემატა.
2018 წლის იანვრიდან დღემდე სოციალური დახმარებით 679 ბენეფიციარმა ისარგებლა, გახარჯული თანხა 176 835 ლარს შეადგენს.

ადიგენის მუნიციპალიტეტი შემდეგ სოციალურ პროგრამებს აფინანსებს:

1.ავადმყოფთა და მშობიარეთა გამოკვლევის,მკურნალობის,ოპერაციებისა და მედიკამენტების ხარჯი;
2. ახალშობილთა ოჯახების დახმარება;
3. ომის მონაწილეთა დახმარება 9 მაისისთვის;
4. ომის მონაწილეთა დაკრძალვის ხარჯი;
5. ლტოლვილთა და იძულებით გადაადგილებულ პირთა ერთჯერადი დახმარება;
6. სოფელ არლის უნარშეზღუდულ და მენტალობადაქვეითებულთა საინტეგრაციო ცენტრი;
7. მოსახლეობის ერთჯერადი დახმარება;
8, მრავალშვილიანი ოჯახების დახმარება;
9. აფხაზეთისა და სამაჩაბლოს ომში დაღუპულ ოჯახების ერთჯერადი დახმარება;

[თინათინ ზაზაძე ადიგენი]