‘მზად ვარ ჯანსაღი კრიტიკისთვის’ – სამცხე–ჯავახეთის გუბერნატორი ჟურნალისტებს შეხვდა

ამირანაშვილი სამცხე–ჯავახეთში მომუშავე ჟურნალისტებს გაეცნო და მათი საქმიანობითაც დაინტერესდა.

"ჟურნალისტებთან აქტიურად ვითანამშრომლებ. მზად ვარ ჯანსაღი და ობიექტური კრიტიკისთვის. გახსნილები იქნებიან თქვენთან ურთიერთობაში მუნიციპალიტეტებიც“, – აცხადებს ამირანაშვილი.

როგორც ახლადდანიშნული გუბერნატორი ამბობს, მისი მიზანია რეგიონში მიმდინარე პროექტები ხარისხიანად და დროულად შესრულდეს: „ყველა რეგიონში, ის საქმე რასაც მე ვაკეთებდი წარმატებული იყო. მინდა რომ ასე იყოს სამცხე–ჯავახეთშიც, აქ საქმის საკეთებლად ვარ მოსული“.

ბესიკ ამირანაშვილი სამცხე–ჯავახეთის გუბერნატორად 20 აგვისტოს დაინიშნა. მან ამ პოზიციაზე კახა სამხარაძე ჩაანაცვლა.

[sknews.ge]