სოფელ წყალთბილაში ძარცვის ბრალდებით 1 პირი დააკავეს

პოლიციის მიერ გატარებული საგამოძიებო ღონისძიებების შედეგად დადგინდა, რომ 12 აგვისტოს, ახალციხის მუნიციპალიტეტის სოფელ წყალთბილაში მცხოვრებ ს.პ.-ს, საკუთარ საცხოვრებელ სახლში შესვლისას, ოთახში დახვდა უცნობი კაცი, რომელმაც ყელიდან ოქროს ყელსაბამი ჩამოგლიჯა და გაიქცა.

სამართალდამცველების მიერ ძარცვის ფაქტზე ჩატარებული ოპერატიულ-სამძებრო ღონისძიებების შედეგად დადგინდა დანაშაულის ჩამდენი პირი, პოლიციამ მომხდარიდან ოთხ დღეში ბრალდებულის სახით წარსულში ქურდობაზე, იარაღის უკანონო შეძენა, შენახვასა და მკვლელობის მცდელობაზე ნასამართლევი ა.ა. დააკავეს.

ჩადენილი დანაშაული 5-დან 8 წლამდე თავისუფლების აღკვეთას ითვალისწინებს.

გამოძიება საქართველოს სისხლის სამართლის კოდექსის 178-ე მუხლის მე-2 ნაწილის "ა" და მე-3 ნაწილის "გ" პუნქტებით მიმდინარეობს.

[sknews.ge]