პოლიციამ პირუტყვის ქურდობის ბრალდებით ნინოწმინდაში 2 პირი დააკავა

შინაგან საქმეთა სამინისტროს სამცხე-ჯავახეთის პოლიციის დეპარტამენტის თანამშრომლებმა, მსხვილფეხა პირუტყვის ქურდობის ბრალდებით, ორი პირი: 1986 წელს დაბადებული თ.დ. და 1978 წელს დაბადებული ტ.დ. დააკავეს. ჩადენილი დანაშაული 4-დან 7 წლამდე ვადით თავისუფლების აღკვეთას ითვალისწინებს.

გამოძიებით დადგინდა, რომ ბრალდებულებმა ნინოწმინდის მუნიციპალიტეტში, სოფელ როდიონოვკის მიმდებარე ტერიტორიიდან, ორი სული პირუტყვი მოიპარეს.

სამართალდამცველებმა, ცხელ კვალზე ჩატარებული ოპერატიულ-სამძებრო და საგამოძიებო ღონისძიებების შედეგად, წარსულში ანალოგიური დანაშაულისთვის ნასამართლევი ძმები - თ.დ. და ტ.დ. ნინოწმინდაში დააკავეს.

წინასწარი შეთანხმებით ჯგუფის მიერ ქურდობის ფაქტზე გამოძიება სისხლის სამართლის კოდექსის 177-ე მუხლის მე-2 და მე-3 ნაწილების „ა“ ქვეპუნქტებით მიმდინარეობს



[sknews.ge]