ახალციხეში, რუსთაველის ქუჩაზე საცხოვრებელი სახლიდან ოქრო მოიპარეს

„დილით 08:00 საათზე გავედი სახლიდან. დღის პირველ ნახევარში სახლში არავინ იყო. შინ პირველი ჩემი ძმა დაბრუნდა, კარი ჩვეულებრივ იყო დაკეტილი, რომ გააღო და შევიდა სამ ოთახში ყველა კარადიდან ნივთები გადმოყრილი დახვდა. მხოლოდ ოქროა წაღებული, ფულს ალბათ ვერ მიაგნეს“, – ამბობს დაზარალებული.

მისივე თქმით, სახლში მძფრი სუნამოს სუნი დახვდათ: „ჩვენი ყველა სუნამო სხვა ოთახში იყო გამოტანილი. ალბათ იმიტომ გაუშვეს, რომ მერე პოლიციის მოყვანილ ძაღლს სუნი არ აეღო“.

სუნამოს მძაფრი სუნი სადარბაზოში მეზობლებმაც იგრძნეს: „კიბეზე ჩავდიოდი და სუნმა შემაწუხა. კინოლოგმაც თქვა, რომ ძაღლმა სუნის აღება ვერ შეძლოო. ალბათ ეს ქურდებმა განგებ გააკეთეს“.

სამართალდამცველები რუსთაველის N105–ში ამ დრომდე რჩებიან. შინაგან საქმეთა სამინისტრომ ძიება ქურდობის მუხლით დაიწყო.

[sknews.ge]