ახალციხეში სახლი გაქურდეს

შემთხვევა დღეს, სამ ივნისს, დღის პირველ ნახევარში მოხდა. ამ დროს შინ არავინ იმყოფებოდა.

„მე და ჩემი მეუღლე სახლიდან გავედით დილით 09:00 საათზე და დაახლოებით, 12:30 საათი იქნებოდა სამსახურიდან შესვენებაზე რომ მოვბრუნდით. მთელი სახლი გადმოყრილი დაგვხვდა, ადგილზე აღარაფერი აღარაა“, – ამბობს დაზარალებული, რომელსაც წლებია ახალციხეში სურსათის ბიზნესი აქვს.

მისი თქმით, ქურდმა სახლიდან 8 500 ლარი წაიღო: „საძინებელში, ტუმბოში, ხის კალათში მედო. ვალი მქონდა და უნდა გამესტუმრებინა“.

დაზარალებულები ვარაუდობენ, რომ ქურდმა სახლში ფანჯრიდან შეაღწია: „პატარა „ფორთოჩკასავით“ გვაქვს ქვედა სართულზე და იქიდან შემოვიდა ალბათ“.

ადგილზე მუშაობენ სამართალდამცველები. მომხდარს შინაგან საქმეთა სამინისტრო იძიებს.



[თამუნა უჩიძე, ახალციხე]