აბიტურიენტები გამოცდების შედეგების გასაჩივრებას 9 აგვისტოდან შეძლებენ

„ხვალიდან დაიწყება სააპელაციო განაცხადების მიღება. ფასიანია აპელაცია, 50 ლარია შესატანი. ონლაინ აკეთებს განაცხადს აბიტურიენტი და იმ
შემთხვევაში, თუკი ნაშრომის შეფასება შეიცვლება, აბიტურიენტს თანხა უბრუნდება. აპელაციის შემდეგ გამოქვეყნდება სტატისტიკური ანალიზი თითოეულ საგანში, საბოლოო შედეგები და შემდეგ უკვე გამოქვეყნდება, თუ ვინ მოიპოვა სახელმწიფო გრანტი და უმაღლეს სასწავლებელში სწავლის გაგრძელების უფლება“, - ამბობს გამოცდების ეროვნული ცენტრის დირექტორის მოადგილე ივა მინდაძე.

დღეს უკვე ცნობილი გახდა ლიტერატურის გამოცდის შედეგებიც და ამით დასრულდა ეროვნული გამოცდების შედეგების გამოქვეყნება. ივა მინდაძის თქმით, ლიტერატურის გამოცდის მინიმალური კომპეტენციის ზღვარი აბიტურიენტების 90%-მა გადალახა.

[sknews.ge]