დღეს ეროვნული გამოცდების საბოლოო შედეგები გამოქვეყნდება

გამოცდის შედეგები დღეს 13:00 საათზე გამოქვეყნდება. აბიტურიენტებს შეეძლებათ შეიტყონ რომელ უნივერსიტეტში ჩაირიცხნენ და მიიღეს თუ არა სახელმწიფო გრანტი.

შეფასებისა და გამოცდების ეროვული ცენტრი 2018 წლის ერთიანი ეროვნული გამოცდების შესახებ სტატისტიკას აქვეყნებს. მათი ინფორმაციით, წელს ეროვნული გამოცდებით სასწავლებლებში სულ 27 906 ახალგაზრდა ჩაირიცხა. რაც გამოცდებზე გასული აბიტურიენტების 70%–ს წარმოადგენს.

ჩარიცხული აბიტურინტებიდან 10 614–მა სახელმწიფო გრანტი მოიპოვა. მათგან 100%–იანი გრანტის მფლობელი 1000 სტუდენტზე მეტი გახდა. 70%–იანი გრანტი მიიღო 1 500–ზე მეტმა ახალგაზრდამ, დაახლოებით 4 000–მა აბიტურიენტმა კი 50%–იანი გრანტი მოიპოვა.

რაც შეეხება ქართულ ენაში მომზადების პროგრამას, რომელიც ეთნიკურ უმცირესობებს ეხებათ, ეროვნულ ცენტრში აცხადებენ, რომ პროგრამაში ჩარიცხვის მსურველთა რაოდენობა წინა წელთან შედარებით გაიზარდა. წელს, ერთი ოსურენოვანი აბიტურიენტი ჩაირიცხა, სომხურენოვანი და აზერბაიჯანულენოვანი აბიტურიენტების რაოდენობა კი 12 011–ია.

ეროვნული გამოცდების შემდეგ, უმაღლეს საგანმანათლებლო დაწესებულებებში, 14 969 თავისუფალი ადგილი დარჩა.

[sknews.ge]