ერთი გარდაცვლილი , 10 დაშავებული – ახალციხე–რუსთავის ავტობუსი ტრაილერს შეეჯახა

შემთხვევა თბილისი–სენაკი–ლესელიძის ავტომაგისტრალზე მოხდა. ახალგაზრდა კაცი, რომელიც რუსთავიდანაა, გარდაიცვალა. დაშავებულები კი სასწრაფო სამედიცინო დახმარების ჯგუფებმა მცხეთის საავადმყოფოში გადაიყვანეს.

როგორც „სამხრეთის კარიბჭეს“ საავადმყოფოში განუცხადეს შეყვანილებს შორის ორი სამცხე–ჯავახეთიდანაა. მათ შორის ერთი ბორჯომიდან სოფელ ჭობისხევიდან, მეორე კი ახალციხიდან, სოფელ მუსხიდანაა: „იმ პაციენტს, რომელიც ჭობისხევიდანაა ამ წუთებში ოპერაციას უკეთებენ. დაშავებულების მდგომარეობის შესახებ ინფორმაციას ექიმი მოგაწვდით, თუმცა, ამ დროისთვის იგი ოპერაციაზე იმყოფება და ჯერ ვერ დაგელაპარაკებათ“.

მომხდარს შინაგან საქმეთა სამინისტრო სისხლის სამართლის კოდექსის 276–ე მუხლის მეხუთე ნაწილით იძებს. აღნიშნული მუხლი ტრანსპორტის მოძრაობის უსაფრთხოებსი წესების დარღვევას გულისხმობს, რამაც ადამიანის სიცოცხლის მოსპობა გამოიწვია.

[sknews.ge]