ადიგენში ავარიის შედეგად დაშავებული ახალგაზრდა გარდაიცვალა

ადიგენის მუნიციპალიტეტის სოფელ სმადაში მცხოვრები ლ.გ დღეს, 5 მაისს დილით გარდაიცვალა. გარდაცვლილს სოფელში რამდენიმე საათში გადაასვენებენ.

შეგახსენებთ, რომ შემთხვევა 1 მაისს, სოფელ ბოლაჯურთან მოხდა. 24 წლის ახალგაზრდა ფეხით გადაადგილდებოდა, როდესაც მსუბუქი ავტომანქანა დაეჯახა.

ავტომანქანის მძღოლი გარდაცვლილი ახალგაზრდის თანასოფლელი, 40 წლამდე ასაკის მამაკაცია.

შინაგან საქნეთა სამინისტრომ, მომხდარზე ძიება სსკ–ს 276–ე მუხლის პირველი ნაწილით დაიწყო. თუმცა, როგორც „სამხრეთის კარიბჭეს“ დღეს 5 მაისს, განუცხადეს საქმეზე ექსპერტიზაა დანიშნული, რომლის დასრულების შემდეგ, მუხლი გადაკვალიფიცირდება 276–ე მუხლის მე–5 ნაწილით, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ერთი ან მეტი ადამიანის სიცოცხლის მოსპობა გამოიწვია.

[ლუბა გიორგაძე, ახალციხე]