ანდრიაწმინდაში თურქულის საწინააღმდეგო აცრებს ითხოვენ

ანდრიაწმინდის ტერიტორიული ორგანოს რწმუნებულის ნიკოლოზ ტაბატაძის თქმით, თუ პურუტყვი დროულად არ აიცრა, დაავადება მასშტაბურ ხასიათს მიიღებს.

„დაავადება ლაბორატორიულად ჯერ დადასტურებული არ არის, მაგრამ მოსახლეობის მოთხოვნაა, რომ აცრა დროულად ჩაუტარონ“, - ამბობს ტაბატაძე.

ანდრიაწმინდის რწმუნებულმა მოსახლეობის მოთხოვნა ადგილობრივი ხელისუფლების წარმომადგენლებს გააცნო.

ახალციხის მუნიციპალიტეტის გამგებლის მოვალეობის შემსრულებლის ბესიკ ბლიაძის თქმით, თურქულის საწინააღმდეგო აცრა სახელმწიფო პროგრამის ფარგლებში მიმდინარეობს. ამ ეტაპზე ახალციხის მუნიციპალიტეტში პირუტყვის ვაქცინაცია სოფელ წყალთბილაში მიმდინარეობს. ბესიკ ბლიაძის თქმით, შესაბამის სამსახურს მიმართავენ, რომ წყალთბილის შემდეგ მსხვილფეხა საქონლის აცრა სოფელ ანდრიაწმინდაში ჩატარდეს.

[თამარ თოთაძე, ახალციხე]