სურსათის ეროვნულმა სააგენტომ "თურქულის" საწინააღმდეგო საშემოდგომო ვაქცინაცია დაიწყო

"აცრა ჩაუტარდება მსხვილფეხა და წვრილფეხა რქოსან პირუტყვს მთელი ქვეყნის მასშტაბით. ამასთან, მიმდინარეობს მსხვილფეხა რქოსანი პირუტყვის იდენტიფიკაცია-ნიშანდება", - აცხადებენ სურსათის ეროვნულ სააგენტოში.

მათივე განცხადებით, სურსათის ეროვნული სააგენტოს წარმომადგენლები ასევე აგრძელებენ ჯილეხისა და ცოფის საწინააღმდეგო ვაქცინაციას.

მაღალი რისკის ზონებში ჯილეხზე აცრა ჩაუტარდება 200 ათასამდე მსხვილფეხა, წვრილფეხა რქოსან პირუტყვსა და ცხენს; რაც შეეხება ცოფს, ცოფის საწინააღმდეგო კვირეულის ფარგლებში აიცრა 60 ათასზე მეტი ძაღლი და კატა, მაგრამ ეპიზოოტიური სიტუაციიდან გამომდინარე, პროფილაქტიკური ღონისძიებები კვლავ გრძელდება.

[sknews.ge]