სამაგისტრო გამოცდების ტესტის პასუხები სავარაუდოდ წინასწარ გამოქვეყნდა

www.naec.ge-ზე მხოლოდ A ტიპის ტესტის პასუხები იძებნებოდა, იმ ტესტის სავარაუდო პასუხები კი, რომლებიც მომავალ მაგისტრანტებს ჯერ არ დაუწერიათ, საიტზე არ დადებულა.

A ტიპის ტესტი მაგისტრანტობის მსურველებმა 11-12 ივლისს დაწერეს. ხოლო B და C ტიპის ტესტები, რომელთა პასუხებიც სავარაუდოდ გასაჯაროვდა, 18, 19, 24 და 25 ივლისს უნდა დაწერონ.

გამოცდების ეროვნულმა ცენტრმა ამ საკითხთან დაკავშირებთ განცხადება გაავრცელა: „ცენტრის ვებგვერდზე www.naec.gov.ge გამოქვეყნებულია A ტიპის სამაგისტრო ტესტი და A ტიპის ტესტის პასუხები. გვერდის მობილურ ვერსიაზე ვიზიტორები არაკორექტირებულ ფაილს ხედავდნენ, რამაც დაბნეულობა გამოიწვია. განვმარტავთ, რომ ფაილში მოცემული დამატებითი ინფორმაცია არ არის საგამოცდო ტესტის ვერსიების სწორი პასუხები, რაშიც არა მხოლოდ აპლიკანტები, არამედ ნებისმიერი მსურველი დარწმუნდება ტესტების და სწორი პასუხების გამოქვეყნებისას".

[sknews.ge]