ახალციხის ციხეში თეატრალური წარმოდგენები გაიმართა

თეატრალური წარმოდგენები ახალციხის ციხის ტერიტორიაზე სამი საათის განმავლობაში მიმდინარეობდა, მსახიობებმა მაყურებელს სხვადასხვა თამაშები შესთავაზეს.

„ვითამაშეთ ძველი ქართული თამაშები, იყო ფარიკაობა და მშვილდოსნობა, დავდგით ვაჟა ფშაველას ნოველა „სტუმარ მასპინძელი“. ხშირად რომ გაკეთდეს ესეთი წარმოდგენები ძალიან კარგი იქბება“, - ამბობს „მოძრაობის თიატრის“ ხელმძღვანელი კახა ბაკურაძე.

ასევე დღეს ახალციხის ციხეში სპორტისა და ახალგაზრდობის საქმეთა სამინისტროს ახალგაზრდული დეპარტამენტის ორგანიზებით გაიმართა თამაში „აღმოაჩინე რაბათის ციხე“. აღნიშნულ თამაშში ახალციხელმა ახალგაზრდებმა მიიღეს მონაწილეობა.

„სამინისტროს ერთ-ერთი პრიორიტეტული მიმართულბა ცხოვრების ჯანსაღი წესის პოპულარიზაცია, ამ პროექტის ფარგლებში ახალციხეში სამი დღის განმავლობაში ტრენინგებს ვატარებდით შიდსის, აივ-ინფექციის, თამბაქოს და ნარკომანიის შესახებ. დრეს უკვე ღონისძიება გავმართეთ სტრატეგიული თამაში „აღმოჩინე შენი ქალაქის ისტორია“, - ამბობს სპორტისა და ახალგაზრდობის საქმეთა სამინისტროს ახალგაზრდული დეპარტამენტის ორგანიზაციებთან ურთიერთობის სამმართველოს უფროსი ქეთევან მაჭარაშვილი.



[ოთარ აწყურელი, ახალციხე]