ახალციხე დღეს დათო ევგენიძეს უმასპინძლებს

დღეს ქალაქი დათო ევგენიძეს უმასპინძლებს. ინფორმაციას ამის შესახებ სპორტისა და ახალგაზრდობის საქმეთა სამინისტროს რეგიონული დეპარტამენტის სოციალურ ქსელ Facebook-ის გვერდი ავრცელებს.

ევგენიძის კონცერტი მესხეთის სახელმწიფო დრამატულ თეატრში საღამოს 20:00 საათზე დაიწყება. შეგახსენებთ, რომ ეს უკვე მეორე კონცერტია, რომელიც საქართველოს სპორტისა და ახალგაზრდობის საქმეთა სამინისტროს ორგანიზებით ეწყობა. 29 აგვისტოს ახალციხეში, ტბაზე, ელექტრონული მუსიკის საღამო გაიმართა. მანამდე კი, გასართობმა კომპლექსმა პროექტ ”მეამაყება საქართველოს” უმასპინძლა.

არც უკვე ჩატარებული და არც დაგეგმილი კონცერტების შესახებ ახალციხის მუნიციპალიტეტის გამგეობის კულტურის სამსახურში ინფორმირებული არ არიან. სამსახურის უფროსი იური ზარიძე აცხადებს, რომ ევგენიძის კონცერტთან დაკავშირებით არანაირ ინფორმაციას არ ფლობენ.

[ნინო ნარიმანიშვილი, ახალციხე]