ახალციხე-ახალქალაქის გზაზე ტრაილერი გადაბრუნდა

ფოტო არქივიდან

შემთხვევა 16 ივლისს, დაახლოებით 13:00 საათზე მოხდა. ახალციხე- ახალქალაქის საავტომობილო გზაზე მოძრავი ტრაილერი მოსახვევში გადაბრუნდა. „დაახლოებით დღის ორი საათისთვის გავიარე და უკვე მომხდარი იყო ამბავი. დაშავებული არავინ ჩანდა, ტრაილერი ამობრუნებული იყო. საერთოდ, ძალიან რთული მონაკვეთია, მანდ ხშირად ხდება ავარიები“, - ამბობს ერთ-ერთი თვითმხილველი.
ადგილზე იმყოფებოდნენ სამართალდამცველები.

შსს-ს ინფორმაციით, შემთხვევის შედეგად არავინ დაშავებულა, „ამიტომ მძღოლი ადმინისტრაციული წესით დაჯარიმდა“.

[თაკო ფეიქრიშვილი, ახალქალაქი]