რა შემთხვევაში ვერ გაივლიან მარჯვენასაჭიანი მანქანები ტექდათვალიერებას

2020 წლის 1 იანვრამდე 'ტექდათვალიერება' ყველა ავტოსატრანსპორტო საშუალებას გავლილი უნდა ჰქონდეს. პერიოდულ ტექნიკურ ინსპექტირებას გაივლიან მარჯვენასაჭიანი ავტომობილებიც. თუმცა მათ შემთხვევაში, გარკვეული შეზღუდვები მოქმედებს.

✔ მარჯვენასაჭიანი ავტოსატრანსპორტო საშუალებები, რომლებმაც პირველადი რეგისტრაცია გაიარეს 2018 წლის პირველი იანვრიდან, ხოლო ამის შემდეგ საჭის მართვის სისტემაში ცვლილები განახორციელეს, პერიოდულ ტექნიკურ ინსპექტირებას ვერ გაივლიან,

✔ ის ავტოსატრანსპორტო საშუალებები, რომლებმაც გაიარეს პირველადიტექნიკური ინსპექტირება 2018 წლის პირველი იანვრიდან და ინსპექტირების ანგარიშში დაფიქსირდა საჭის მდებარეობა, ამის შემდგომ კი საჭე გადაიტანეს, ინსპექტირებას ვერ გაივლიან.

ტექდათვარიელების საკითხებთან დაკავშირებით, 2018 წლის იანვრიდან ცხელი ხაზი – 14 84 ამოქმედდა. ხაზზე დარეკვა შესაძლებელია როგორც საერთო სარგებლობის ფიქსირებული, ისე მობილური ქსელებიდან.

შეგახსენებთ, რომ 2018 წლის 1 იანვრიდან სავალდებულო ტექნიკურ ინსპექტირებას ავტომობილების ნაწილი გაივლის, მათ შორის სამგზავრო (8 ადგილს ზემოთ) და სატვრითო (3.5ტ ზემოთ) ავტომობილები. შემდეგი ეტაპზე სავალდებულო დათვარიელებას სახელმწიფო უწყებებისა და იურიდიული პირების ავტოსატრანსპორტო საშუალებები, ასევე დიდი მოცულობის (3.0 და ზემოთ) ძრავების მქონე ავტომობილები გაივლიან.

საქართველოს ეკონომიკისა და მდგრადი განვითარების სამინისტროს ინფორმაციით, 2019 წლის ბოლომდე სავალდებულო ტექნიკურ ინსპექტირებას საქართველოში რეგისტრირებული მთლიანი ავტოპარკი გაივლის.

[sknews.ge]