რამდენმა მანქანამ გაიარა ტექდათვალიერება 2019 წელს სამცხე-ჯავახეთში

2019 წელს „გრინვეის“ ტექდათვალიერების ცენტრში შემოწმებაზე 13 679 ავტომობილი გავიდა. პირველ ცდაზე 52% (7 210) დახარვეზდა. განმეორებითი ტექდათვალიერებისას წუნდებული ავტომობილიდან 10%-ს (578) კვლავ ხარვეზი დაუდგინდა.

ჯამში „გრინვეის“ ინსპექტირების ცენტრში სამცხე-ჯავახეთში დადებითად 11 614 ავტომობილი შეფასდა. 2 065 ავტომობილს კი ტექდათვალიერების გავლა ხელახლა მოუწევს.

მეორე კომპანია, რომელიც რეგიონში ავტომობილების ტექდათვალიერებას უზრუნველყოფს შპს „მესხეთია“. ორგანიზაციამ 2019 წელს 7 933 ავტომობილი შეამოწმა, აქედან 46%-ს (3 657) ხარვეზი დაუდგინდა. 85 %-მა (3 128) ავტომობილმა ტექდათვალიერების გავლა მეორე ცდაზე შეძლო.

ჯამში „მესხეთის“ ინსპექტირების ცენტრმა 7 404 ავტომობილის ვარგისიანობა დაადგინა, დარჩენილი 528 ავტომობილი კი ტექინსპეტქირებას 2020 წელს კიდევ ერთხელ ცდის.

სულ სამცხე-ჯავახეთში, ტექისპექტირებისთვის „გრინვეის“ და „მესხეთის ცენტრებს“ 21 412-მა ავტომობილმა მიაკითხა, საიდანაც ტექინსპექტირება 19 018-მა ავტომობილმა გაიარა.

საქართველოში სავალდებულო ტექდათვალიერება 2018 წლის პირვლი იანვრიდან დაიწყო, რომელიც ოთხ ეტაპს მოიცავდა. 2018 წლის სამი იანვრიდან დაიწყო სამგზავრო (რვა ადგილის ზემოთ) და სატვირთო (3,5 ტ. ზემოთ) ავტომანქანების ტექნიკური ინსპექტირება, ხოლო ამავე წლის პირველი ივლისიდან სახელმწიფო უწყებებისა და იურიდიული პირების კუთვნილი ავტომანქანების.

პერიოდული ტექნიკური ინსპექტირების პროცესის გამარტივების და მომსახურების გაუმჯობესების მიზნით, შექმნილია ვებ-გვერდი (www.pti.ge), რომლის საშუალებითაც მომხმარებელს საშუალება აქვს ნებისმიერ ხელმისაწვდომ ინსპექტირების ცენტრში ტექნიკური ინსპექტირების გასავლელად დაგეგმოს ვიზიტი მისთვის სასურველი თარიღის და დროის გათვალისწინებით. ასევე მოქმედებს ცხელი ხაზი - 1484, რომელიც ავტოსატრანსპორტო საშუალებების პერიოდული ტექნიკური ინსპექტირების ეტაპობრივად ამოქმედების პროცესისა და პირობებით დაინტერესებულ ადამიანებს ემსახურება და აწვდის შესაბამის ინფორმაციას.

[რობი ზარიძე, ახალციხე]