ახალციხეში მეუფე თეოდორეს ეპისკოპოსად კურთხევის დღე ღონისძიებით აღინიშნა

ახალციხის სამუსიკო სკოლაში, მეუფე თეოდორეს მიტროპოლიტად კურთხევის დღისადმი მიძღვნილი ღონისძიება, 22 ივნისს გაიმართა.

კულტურულ ღონისძიებაში მონაწილეობა, სამუსიკო სკოლის მოსწავლეებმა და მასწავლებლებმა მიიღეს. საღამო, მეუფე თეოდორეს ბიოგრაფიის გაცნობით გახსნა და სხვადსხვა სასიმღერო ნომრით გააგრძელდა, შესრულდა საგალობელიც.

„ჩვენ ყოველთვის ვატარებთ სხვასხვა ღონისძიებას და გადავწყვიტეთ, რომ დღევანდელი ჩვენი კონცერტი დაგვემთხვია მეუფე თეოდორეს ეპისკოპოსად კურთხევის დღეს. იმედი გვაქვს, რომ მსმენელი კმაყოფილი დარჩა,“– ამბობს სამუსიკო სკოლის დრექტორი ცისანა ახვლედიანი.

კონცერტს, ახალციხისა და ტაო–კლარჯეთისა მიტროპოლიტ თეოდორე და ახალციხის მერი ზაზა მელიქიძეც ესწრებოდნენ.

„ყველა პერიოდი არის რთული, ყველა პრიოდი არის დატვირთული განსაცდელით, და დატვირთული საქმით. მაგრამ, როდესაც გადახედავ იმ წლებს, მხოლოდ სასიხარულო გახსენდება, „ – განაცხადა ღონისძიების დასრულების შემდეგ ახალციხისა და ტაო–კლარჯეთის მიტროპოლიტმა მეუფე თეოდორემ.

მიტროპოლიტი თეოდორე, ერისკაცობაში დიმიტრი ალექსანდრეს ძე ჭუაძე, დაიბადა 1967 წლის 11 აპრილს ქ. სიღნაღში. 1974 წელს მისი ოჯახი საცხოვრებლად გადავიდა ქ. თელავში. 1990 წელს ჩაირიცხა ახალციხის სასულიერო სემინარიაში. 1991 წლის 22 თებერვალს საფარის წმიდა საბა განწმენდილის მონასტრის წინამძღვარმა სერგიმ მორჩილი დიმიტრი აღკვეცა ბერად და უწოდა სახელად თეოდორე. თეოდორე, იყო საფარის მამათა მონასტრის წინამძღვარი. 1993 წლის 12 ივლისს მღვდელ-მონაზონ თეოდორეს მიენიჭა იღუმენის, ხოლო 1996 წლის 26 ოქტომბერს – არქიმანდრიტის წოდება.

1996 წლის 27 ოქტომბერს მცხეთის სვეტიცხოვლის საპატრიარქო ტაძარში უწმიდესმა და უნეტარესმა, სრულიად საქართველოს კათოლიკოს-პატრიარქმა ილია II-მ წმიდა სინოდის წევრების თანამწირველობით არქიმანდრიტი თეოდორე ბოდბელ ეპისკოპოსად აკურთხა. 1998 წლის ნოემბრიდან მეუფე თეოდორე ახალციხისა და ტაო-კლარჯეთის ეპარქიის მმართველია.



[თორნიკე ზაზაძე, ახალციხე]