ბორჯომისა და ბაკურიანის ეპარქიის ხელმძღვანელად ეპისკოპოსი ლაზარე დაინიშნა

ყოვლადუსამღვდელოესი ლაზარე ბორჯომისა და ბაკურიანის ეპისკოპოსად დანიშვნამდე, გერმანიისა და ავსტრიის ეპისკოპოსი იყო. იგი ეპისკოპოსად 2014 წლის 11 ივნისს აკურთხეს.

ეპისკოპოსი ლაზარე ბორჯომისა და ბაკურიანის ეპარქიის მმართველად 3 იანვარს წარადგინეს. აღნიშნულთან დაკავშირებით წმ. ნიკოლოზის სახელობის საკათედრო ტაძარში პარაკლისი აღავლინეს, რომელსაც წმინდა სინოდის მღვდელთმთავრები დაესწრნენ.

ეპისკოპოსი ლაზარე (ერისკაცობაში – დიმიტრი ნიკოლოზის ძე სამადბეგიშვილი) 1955 წლის 20 ივლისს, თბილისში დაიბადა.

შეგახსენებთ, რომ ბორჯომ – ბაკურიანის ეპარქიას 21 წლის განმავლობაში მეუფე სერაფიმე მოღვაწეობდა. მეუფე სერაფიმემ ეპარქია 2016 წლის აპრილში დატოვა.


მეუფე სერაფიმეს შემდეგ, ბორჯომ – ბაკურიანის ეპარქიას, დროებით ახალციხისა და ტაო–კლარჯეთის მიტროპოლიტი მეუფე თეოდორე, შემდეგ კი გორისა და ატენის ეპარქიის მიტროპლოტი ანდრია (გვაზავა) ხელმძღვანელობდა.

მოგვიანებით საქართველოს საპატრიარქომ მეუფე სერაფიმეს წასვლასთან დაკავშირებით განცხადება გაავრცელა, თუმცა მეუფეს ეპარქიიდან წასვლის მიზეზი განმარტებული არ იყო.

[sknews.ge]