პროგრამისთვის 'საქართველოს მოხალისე' კონკურსი მიმდინარეობს

განათლებისა და მეცნიერების სამინისტროს, ახალგაზრდობის პოლიტიკის მართვის დეპარტამენტის პროგრამის – "საქართველოს მოხალისეს" ფარგლებში, კონკურსი 6 ივნისს გამოცხადდა და 3 ივლისის ჩათვლით გაგრძელდება. მასში მონაწილეობა ახალგარზდებს თბილისიდან და საქართველოს ათი რეგიონიდან შეუძლიათ. კონკურსში მონაწილეობას 64 მუნიციპალიტეტის წარმომადგენლები მიიღეებენ. საბოლოოდ, თითოეული მათგანიდან ორ–ორი მოხალისე შეირჩევა.

პროგრამის მიზანია მოხალისეობის ინსტიტუტის გაძლიერება, მოხალისეთა ერთიანი ქსელის განვითარება საქართველოს მასშტაბით, მოხალისეობის გზით ახალგაზრდებში სამოქალაქო ცნობიერების ამაღლება და მოხალისეობით დაინტერესებული ახალგაზრდების რაოდენობის გაზრდა, საზოგადოების საკეთილდღეოდ. ასევე საკუთარი ნების საფუძველზე, უანგარო შრომის იდეის პოპულარიზაცია და მოხალისეთა მიერ გაწეული შრომის წახალისება.

კონკურსის პირველი ეტაპი

კონკურსის პირველ ეტაპზე, პროგრამაში მონაწილეობის მსურველმა ახალგაზრდებმა, მიმდინარე წლის 6 ივნისიდან 3 ივლისის ჩათვლით რეგიონების მიხედვით უნდა შეავსონ სააპლიკაციო ფორმა, რომელიც განთავსებულია ვებგვერდზე http://youth.indygo.ge/ კონკურსის მეორე ეტაპზე გადავლენ სააპლიკაციო ფორმების საფუძველზე შერჩეული კანდიდატები.

კონკურსის მეორე ეტაპი

კონკურსის მეორე ეტაპზე გადასულ კანდიდატებთან მოხდება გასაუბრება. შერჩევაში მონაწილეობას მიიღებენ სამინისტროს მიერ შერჩეული პროგრამის საკოორდინაციო არასამთავრობო ორგანიზაციები, რის შედეგადაც თითოეულ მუნიციპალიტეტში გამოვლინდება 2 გამარჯვებული.
შერჩევისას გათვალისწინებული იქნება შემდეგი ფაქტორები:

• ასაკი 16 დან - 25 წლამდე;
• მოტივაცია და კომუნიკაბელურობა;
• გუნდური მუშაობის უნარ-ჩვევები;
• საზოგადოებრივი და სამოქალაქო აქტიურობა;

მთლიანობაში შირჩევა საქართველოს 64 მუნიციპალიტეტიდან და ქალაქ თბილისიდან 148 მოტივირებული მოხალისე (ორი მოხალისე თითო მუნიციპალიტეტიდან), რომლებიც ივლისის ბოლოს გაივლიან 5 დღიან მოსამზადებელ ტრენინგ-სემინარს ისეთ თემებზე როგორიცაა:

• მოხალისეობა და მოხალისეების რეკრუტირება;
• კომუნიკაციის და პრეზენტაციის უნარ-ჩვევები;
• საჯარო ინსტიტუტებთან ურთიერთობის ფორმები;
• პროექტების წერა და ფონდების მოზიდვა;
• და მოხალისეობის განხორციელებასთან დაკავშირებული სხვა საკითხები.

ტრენინგ-სემინარის დასრულებისას თითოეულ მოხალისეს გადაეცემა ტრენინგ-სემინარის გავლის დამადასტურებელი სერტიფიკატი და წლის ბოლომდე მიენიჭება "საქართველოს მოხალისის" სტატუსი.

[sknews.ge]