‘სამართლიანობის აღდგენა პოლიტიკოსების გარეშე’ – აქცია ვაკის პარკში

სარალიძის მხარდამჭერი აქცია ფეისბუქით დაიგეგმა: “ძვირფასო მეგობრებო, ნათლად ჩანს, რომ მიმდინარე აქციებით პოლიტიკური ჯგუფები სარგებლობენ და პროცესები არასწორი დინებით მიჰყავთ. აქედან გამომდინარე, მოქალაქეების დიდი ნაწილი ვერ და არ გავდივართ ამ აქციაზე. ჩვენი ინიციატივაა, შევიკრიბოთ და მშვიდობიანად გამოვხატოთ ჩვენი აზრი, პოლიტიკური სარჩულებისა და ვინმესთვის სარგებლის მოტანის გარეშე. ჩვენ შვილმოკლული ოჯახების გვერდით ვართ, სწორედ ამ თანადგომის გამოსახატად, ვაპირებთ შევიკრიბოთ ვაკის პარკში,რათა ჩვენი ხმა ყველგან ისმოდეს ჩვენ არ ვართ არცერთი პოლიტიკური ჯგუფისა თუ რაიმე ორგანიზაციის წარმომადგენლები. ვართ რიგითი მოქალაქეები მეგობრები და გვინდა, ჩვენი აზრის პოლიტიკური სარჩულის გარეშე დაფიქსირება”, – ნათქვამია აქციის ორგანიზატორების მიერ გავრცელებულ განცხადებაში.

ვაკის პარკში აქციაზე ზაზა სარალიძეც მივიდა: "მე დავინახე, რომ ჩემი შვილის მეგობრები აქ დგანან. ნებისმიეირ ბერკეტს გამოვიყენებ, რათა ეს სისტემა დაინგრეს. მოვიდეს ნებისმიერი ოცნების წარმომადგენელი ვისაც გული შესტკივა. ჩემთვის მნიშვნელობა არ აქვს რომელი პოლიტიკური პარტიის წარმომადგენელი შემოუერთდება ჩემ ბრძოლას".

შეგახსენებთ, რომ ხორავას ქუჩზე მოკულური დავით სარალიძის მამამ ზაზა სარალიძემ პოლიტიკურ პარტიებს მხარდაჭერისკენ გუშინ, ორ ივნისს, გვიან ღამით მოუწოდა. პარტიების წარმომადგენლებთან შეხვედრის გამართვის შემდეგ კი რუსთაველზე განაცხადეს, რომ ისინი საერთო სამოქმედო გეგმას ხალხს დღეს, სამ ივნისს 18:00 საათზე გააცნობენ.

[sknews.ge]