აქციის ორგანიზატორები: ‘აქციაზე პოლიტიკოსებს მიკროფონს გავუთიშავთ’

"გამომსვლელებს შორის, არ მინდა იყოს არცერთი პოლიტიკური პარტიის წარმომადგენელი. რადგან ეს აქცია არ არის არცერთი პოლიტიკური პარტიის ინტერესებისთვის ჩატარებული. ჩვენ ვართ ახალგაზრდები, რომლებმაც საქართველოს მომავალი უნდა შექმნას. თუ პოლიტიკური განცხადება გაკეთდება, მიკროფონს გავთიშავთ", – განაცხადა აქციის ორგანიზატორმა თაკო თუმანიშვილმა.

სარალიძეების ოჯახის მხარდამჭერ აქციაზე ორგანიზატორებთან ერთად, სიტყვით გამოდიან მონაწილეებიც, ახალგაზრდები და არასამთავრობო სექტორის აქტიური წევრები.

"ეს არ არის "ნაცების", "ოცნების", პეტრეს, პავლეს აქცია. ეს არის ხალხის აქცია, ხალხი ქმნის საქართველოს მომავალს", – აცხადებენ ახალგაზრდები.

შეგახსენებთ, რომ აქცია ახალცხეში 1 ივნისს, დაახლოებით 17:25 საათზე დაიწყო.

[sknews.ge]