აქციის მონაწილეები ახალციხეში: ‘დამნაშავეები უნდა დაისაჯონ’

ლილი ზაზაძე: „სამართლიანობას მოვითხოვ ქართველები ერთმანეთის გვერდით უნდა დავდგეთ. ქვეყანაში სამართლიანი და რაციონალური გარემო უნდა იყოს. აქ ვდგავარ ჩვენი უკეთესი მომავლისათვის, გვინდა, რომ ჩვენი შვილები უკეთეს ქვეყანაში იზრდებოდნენ“.

ლიკა კაველიძე: „ყველა მკვლელი უნდა დაისაჯოს. იქ ჩვენი თანატოლები მოკლეს. ამდენი გამოუძლიებელი საქმე ჩემში დიდ აგრესიას იწვევს“.

უჩა მოდებაძე: „სასამართლო მიუკერძოვებელი და გამჭვირვალე უნდა იყოს. მე ღია სასამართლო მინდა. ყველა დამნაშავე უნდა დაისაჯოს. ახალგაზრდები მოკლეს და მათი საქმეები რეალურად გამოუძიებელია“.

ალეკო ხითარიშვილი: „ყველაზე მეტად დაუსჯელობა მაწუხებს. უსამართლობას ვაპროტესტებ, პირველ რიგში დაუსჯელობა არ უნდა იყოს საქართველოში. გვერდში ვუდგევართ და სოლიდარობას ვუცხადებთ ზაზა სარალიძეს. ხელს არ უნდა აფარებდნენ დამნაშავეებს“.

ხარტია ნოზაძე: „მხარს ვუჭერთ ზაზა სარალიძეს, რომელმაც ამხელა ტკივილი განიცადა და იმის საშუალებასაც არ აძლევენ, რომ გაიგოს ვინ არის საკუთარი შვილის მკვლელი. თვალში ნაცარს გვაყრიან“.

დავით სარალიძის მხარდამჭერი აქციის მონაწილეები, ახალციხეში, ცენტრალური პარკიდან მსვლელობით შოთა რუსთაველის ძეგლთან მივიდნენ. აქცია ქალაქის ცენტრში, დაახლოებით, ერთი საათის განმავლობაში მიმდინარეობდა.

[მარიამ ბარძიმაძე, ახალციხე]