მეორე სართულიდან გადმოვარდნილი გოგოს მდგომარეობა დამაკმაყოფილებელია

„ოპერაციისას აღმოჩნდა, რომ ფეხი უფრო ჰქონდა დაზიანებული, ვიდრე ხერხემალი. როგორც ჩანს ფეხით დაეცა და კოჭის დაბლა ძვალი ჰქონდა ჩამსხვრეული. აივანი საიდანაც გადმოვარდა, ამბობენ, რომ ძველი იყო, ძირზე კიდევ ფილები ეგო და ამიტომ დაშავდა ასე ძალიან“, – გვიყვება გოგონას დეიდა.

დედა ამბობს, რომ გოგონა უკეთაა და საავადმყოფოდან ერთ კვირაში გაწერენ.

შეგახსენებთ, რომ შემთხვევა 27 მაისს მოხდა. როგორც ოჯახის ახლობლები ჰყვებიან, 19 წლის გოგო აივნიდან მაშინ გადმოვარდა, როცა მეგობართან ერთად ფოტოს იღებდა.

მომხდარს შინაგან საქმეთა სამინისტრო სისხლის სამართლის კოდექსის 120–ე მუხლით იძიებს, რაც ჯანმრთელობის განზრახ მსუბუქ დაზიანებას გულისხმობს.

[თამუნა უჩიძე, ახალციხე]