სასტუმროს მეორე სართულიდან გადმოვარდნილი ბავშვი გამოკვლევებისთვის თბილისში გადაჰყავთ

ახალციხის რეფერალური ჰოსპიტალის სამედიცინო მენეჯერის ვასილ ბალახაშვილის თქმით, ათი თვის ბიჭის ზოგადი მდგომარეობა დამაკმაყოფილებელია. ბავშვს სახის არეში დაჟეჟილობები აქვს, თვალის მიდამოებში კი ჰემატომა აღენიშნება: „ჩაუტარდა კომპიუტერული კვლევა და თავის არეში დაზაზიანების ნიშნები არ აქვს. მაგრამ ბავშვს ესაჭიროება უფრო სიღრმისეული კვლევა, ამიტომ გამოძახებულია კატასტროფის ბრიგადა, მას პროფილური ტიპის კლინიკაში გადაიყვანენ“.

როგორც „სამხრეთის კარიბჭესთან“ ფაქტის თვითმხილველები ყვებიან, ბავშვი ხელში დედას ეჭირა და ფანჯარასთან ათამაშებდა: „ჩარჩოზე ბადე იყო გაეკთებული, ამ ბადემ ბავშვი ვერ დაიკავა და გადავარდა“.

მომხდარზე შინაგან საქმეთა სამინისტრომ ძიება სისხლის სამართლის კოდექსის 124–ე მუხლით დაიწყო, რაც გაუფრთხილებლობით ჯანმრთელობის მძიმე, ან ნაკლებად მძიმე დაზიანებას გულისხმობს.

შემთხვევა დღეს, 10 აგვისტოს, 11:00 საათზე მოხდა. მცირეწლოვანი სამედიცინო დაწესებულებაში მშობლებმა თავად გადაიყვანეს. ბავშვი ირანიდან სტუმრად ჩამოსულ ოჯახს ახლდა თან.

[ლუბა გიორგაძე, ახალციხე]