სტიქიით დაზარალებულ სოფლებში მუშაობა განახლდა

მძიმე ტექნიკა ახალციხის სოფლებში გზებსა და ეზოებს ქვა–ღორღისგან წმენდს. "ადგილზეა ჩვენი ტექნიკა, იწმინდება გზები. ვაგრძელებთ ზარალის დათვლასაც", – ამბობენ ახალციხის მერიაში.

შეგახსენებთ, რომ ახალციხის სამ დასახლებაში, 22 მაისს ძლიერი წვიმა მოვიდა , რის გამოც მდინარე ადიდდა და სამი დასახლების მცხოვრებლების ათობით ჰექტარი მიწის ნაკვეთი დატბორა. დაზიანდა სოფლებში არსებული ინფრასტრუქტურა, დაიტბორა შენობები და ეზოები.

[მარიამ ბარძიმაძე, ახალციხე]