ახალციხეში სისხლის ჩაბარების აქცია დასრულდა

დღეს, 22 მაისს, ახალციხეში გამართულ სისხლის ჩაბარების აქციას 21 ადამიანი შეუერთდა. მათ მიერ გაღებული სისხლი განაწილდება საქართველოს მასშტაბით კლინიკებში, რომელსაც გადაუდებელი შემთხვევებისთვის, ონკოლოგიური და ჰემატოლოგიური დაავადებებისათვის გამოიყენებენ.

ახალციხის მუნიციპალიტეტის საკრებულოს შენობაში, შალვა ახალციხელის №2–ში, სისხლის ჩაბარების აქცია 12:00 საათიდან 17:00 საათამდე მიმდინარეობდა.

აქცია თბილისის ჰემატოლოგიისა და ტრანსფუზიოლოგიის ინსტიტუტის ორგანიზებით გაიმართა.

მსგავსი სისხლის ჩაბარების აქცია გაიმართა ქალაქ ბორჯომშიც.



[ავთანდილ ინასარიძე, ახალციხე]